بنت فله تلعب سله
08-31-2007, 09:55 PM
جتني وضحكتها تسابق خطاها
وعلى محيّاها تجسّد غلاها
قمر وتفرق عن جميع الكواكب
في حجمها في وصفها في ضياها
بنت وعليها الزين فايق ولايق
سبحان فارق وصفها عن سواها
استغفر الخلاق ماني بظالم
إن قلت ما شافت عيوني كماها
رهيفة إحساس ورقيقة مشاعر
صدوقة في حبها وش حلاها
الله وهبها عن جميع العذارى
زين ويحق لها وربي تباها
مفتون انا في حبها واعذروني
جمالها من قبلها من وراها
يا حظ عيني يوم عيني تراها
ويا سعد قلبي يوم قلبي معاها
هني من نومه سكن في هدبها
وهني كحل (ن) ما يفارق صباها
مكياجها من ربها اللي خلقها
طبيعي و قلبي تنفس هواها
وعطرها الفواح منها وفيها
ورده ولا يذبحني إلا شذاها
والمبسم الصافي وبيض الثنايا
وجمال أمسى واكتمل في شفاها
وعيون سود وناعسات و كحيلة
تقول ليل حاطها واحتواها
عن وصفها تعجز بيوت القصايد
سبحان رب ما حرمها عطاها
جمالها يقهر قلوب العذارى
جمال ياكم من عيون سباها
من حبها راحت عظامي برايا
مدري متى روحي تفارق شقاها
ما غير أنادي بسمها في منامي
من كثر ما قلبي تمنى لقاها
وعلى محيّاها تجسّد غلاها
قمر وتفرق عن جميع الكواكب
في حجمها في وصفها في ضياها
بنت وعليها الزين فايق ولايق
سبحان فارق وصفها عن سواها
استغفر الخلاق ماني بظالم
إن قلت ما شافت عيوني كماها
رهيفة إحساس ورقيقة مشاعر
صدوقة في حبها وش حلاها
الله وهبها عن جميع العذارى
زين ويحق لها وربي تباها
مفتون انا في حبها واعذروني
جمالها من قبلها من وراها
يا حظ عيني يوم عيني تراها
ويا سعد قلبي يوم قلبي معاها
هني من نومه سكن في هدبها
وهني كحل (ن) ما يفارق صباها
مكياجها من ربها اللي خلقها
طبيعي و قلبي تنفس هواها
وعطرها الفواح منها وفيها
ورده ولا يذبحني إلا شذاها
والمبسم الصافي وبيض الثنايا
وجمال أمسى واكتمل في شفاها
وعيون سود وناعسات و كحيلة
تقول ليل حاطها واحتواها
عن وصفها تعجز بيوت القصايد
سبحان رب ما حرمها عطاها
جمالها يقهر قلوب العذارى
جمال ياكم من عيون سباها
من حبها راحت عظامي برايا
مدري متى روحي تفارق شقاها
ما غير أنادي بسمها في منامي
من كثر ما قلبي تمنى لقاها